අපි දෙන ප්‍රමාණයට තමයි කවදහරි අපිටත් ලැබෙන්නේ

by | Apr 2, 2021 | දවසේ සිතුවිල්ල | 0 comments

අපි දෙන ප්‍රමාණයට තමයි කවදහරි අපිටත් ලැබෙන්නේ

දවසේ සිතුවිල්ල ~ යහපත් දවසක් – සුභ උදෑසනක්

මේ කතාව ටිකක් පරණයි. එක ගමක බේකරි හිමියෙකුයි බටර් නිෂ්පාදකයෙකුයි හිටියා. හැමදාම පාන් රාත්තලක් බටර් නිෂ්පාදකයාට දීලා බටර් රාත්තලක් අරන් ගෙදර යන්න බේකරි හිමියා පුරුදු වෙලා හිටියා. ටික දවසක් යද්දි අර බේකරි හිමියට තේරුණා තමන්ට ලැබෙන බටර් රාත්තල එන්න එන්නම අඩු වෙන බව. මේ ගැන බේකරි හිමියා බටර් නිෂ්පාදකයාට කිව්වා. ඒත් බටර් නිශ්පාදකයා කිව්වේ තමන් ලබා දෙන බටර් ප්‍රමාණයේ කිසිම අඩුවක් කළේ නැහැ කියලයි. ඒත් බේකරි හිමියට  හොඳටම පැහැදිලියි තමන්ට ලැබුණු බටර් ප්‍රමාණය එන්න එන්නම අඩු වුණු බව. ඉතින් ඔහු තමාට වෙච්ච අසාධාරණය උසාවියට අරගෙන ගියා. උසාවියේ දී නඩුකාරතුමා අර බටර් නිෂ්පාදකයාගෙන් මෙහෙම ඇහුවා.

“ඔබ කොහොමද බටර් ප්‍රමාණය මනින්නෙ?”

එතකොට බටර් නිෂ්පාදකයා මෙහෙම කිව්වා.

“හාමුදුරුවනේ මං ළඟ තරාදියක් තියෙනවා හැබැයි මට රාත්තලක් මනින මිනුම් පඩි නැහැ . උදේට මට බේකරියෙන් පාන් රාත්තලක් ලැබෙනවා . ඒ පාන් රාත්තල තරාදි යේ එක පැත්තකට දාලා ඒ බරට සෑහෙන්න බටර් මම අනිත් පැත්තට දානවා. බටර් වල බර අඩු වෙලා නම් ඒ කියන්නේ බේකරි හිමියන්ගේ පාන් රාත්තලේ බර අඩු වෙලා කියන එකයි . ඒක මගේ වැරැද්දක් නෙමෙයි”

අද වෙද්දි නම් අපි ගන්න පාන් ගෙඩියෙත් රාත්තලක් බර නැහැ . ඒකයි මම මේ කතාව ටිකක් පරණයි කියල කිව්වෙ.

කොහොම උනත් අපි මතක තියාගන්න ඕන එක දෙයක් තියනවා අපි දෙන ප්‍රමාණයට තමයි අපිටත් ලැබෙන්නේ කියන එක . අපි කෙනෙක්ට හොඳින් සැලකුවොත්  ඒකෙනාත් අපිට හොඳින් සලකනවා. අපි කෙනෙක්ට හොඳින් කතා කළොත් තමයි එයත් අපිට හොඳින් කතා කරන්නෙ. අපි කෙනෙක්ට උදව් නොකර ඒ පුද්ගලයා අපිට උදව් කරයි කියලා හිතුවාට ඒක කවදාවත් සිද්ධ වෙන්නෙ නෑ. අනිත් මිනිස්සුන්ව රවට්ටන්න උත්සාහ කරන්න එපා මොකද අන්තිමට ඔයාටමයි රැවටෙන්න සිද්ධ වෙන්නේ …

ඊයේ දවසේ ඔබ කාර්යබහුල වුනානම් ඊයේ අපි පළකල සියලුම පෝස්ට් #2021April1 වචනය ටච් කර සියල්ල එක වර විවෘත කරගෙන බලන්න පුලුවන්.

අද දවස ආරම්භ කරන්න ඊයේ දවසේ මොකද වුනේ කියලා හරි අවබෝධයකින්…

කිසිම දෙයක් මගහැරගන්න එපා…

Charityshop Team

#2021April2 (අද දවසේ පෝස්ට් කියවන්න ඕනෑම අවස්ථාවක මේ වචනය ටච් කරන්න)

 

0 0 votes
Article Rating
Subscribe
Notify of
guest
0 Comments
Inline Feedbacks
View all comments